Dailymotion Kya hai |Dailymotion se paise kamane ki puri jankari hindi me

4
501

Dailymotion ka naam aapne kabhi na kabhi to suna hi hoga, yah bilkul Youtube plateform ki tarah hi hota hai, youtube ki tarah dailymotion me bhi videos upload hote hai aur paise kamaye jate hai. Agar aapko nhi pata ki Dailymotion kya hai aur isse paise kaise kamaye ja sakte hai to is post ko aakhiri tak jarur padhe.

Dailymotion kya hai paise kaise kamaye

Dailymotion Kya hai?

Dailymotion ek video hosting service hai jisme technology, songs, videos etc provide karaye jate hai.

Dailymotion ke Owner Vivendi company hai iska head office Paris me hai, jo ki video hosted service ke sath sath Television films, video games, telecommunication jaisi programming ko bhi launch karti hai.

Yah company youtube ka alternative option hai, youtube aur other video platform ki tarah isme bhi videos ko dekh bhi sakte hai aur Dailymotion Partner Program ko join karke aap videos ke through paise bhi kama sakte hai.

Mujhe ummid hai ki aapko Dailymotion kya hai samajh me aa gaya hoga. Ab baat karte hai dailymotion se paise kaise kamaye.

आपको ये भी पढ़ना चाहिए :

Dailymotion se paise kaise kamaye

Jaisa ki maine abhi bataya ki yah bilkul youtube ki tarah hi hai jaise youtube me Video upload karke paise kamaye jate hai thik waise hi dailymotion me bhi videos ko upload karke dailymotion se paise kamaye ja sakte hai.

Dailymotion me account kaise banaye, Dailymotion partner program ko join kaise kare, dailymotion se paise kaise kamaye ki puri jankari hindi me batayi jayegi. Neeche bataye gaye sabhi step ko dhyan se follow kare.

Dailymotion Partner Program ko Join kaise kare

Dailymotion partner program ko join karne ke liye koi khaas eligibility ki jarurt nahi hai, Jaise youtube me partner program ko join kiya jata hai, thik usi tarah ise bhi aasani se join kiya ja sakta hai.

Iske pahle ki mai aapko dailymotion partner program ko join karne ke steps batau usse pahle aapke liye ye janna bahut jaruri hai ki dailymotion partner program ko join kyu karna chahiye.

Dailymotion Partner Program ko kyu join kare

Dailymotion Partner program ko join karne ka sabse bada reason hai YouTube. Because aap sabhi log ye jante hi honge ki Youtube Google ke baad second number par sabse most popular plateform hai.

Aapko ye pata hi hoga ki Youtube ke partner program ko join karke monetize on karne ke liye aapke pas 1000 subscriber aur all time 4000 hours ki eligibility honi chahiye.

Agar ye eligiblity aap cross nahi karte hai to aap youtube ke partner program ko join nhi kar sakte.

आपको ये भी पढ़ना चाहिए :

Lekin Dailymotion me aisa bilkul bhi nhi hai isme kisi bhi type ki koi restrictions nahi hai ise aap aasani se join karke monetization on kar sakte hai.

Jaise hi aap video ko upload karte hai waise hi aapka monetization on ho jata hai aur aap earning karna start kar dete hai. Ye sabse bada magic point hai.

To chaliye ab dailymotion partner program join karne ke steps ke bare me baat karte hai.

Dailymotion partner program join kaise kare – Step by step

Sabse pahle Partner Program link par click kare.

Dailymotion join partner program

Aapse yaha E-mail address manga jayega. Aap sign up par click karke E-mail I’d aur password daalkar naya account bana le phir aapke G-mail me dailymotion ka message aayega verification ke liye aapko verification par click kar dena hai, aapka account create ho jayega. Ya phir direct sign in with google ya facebook par click karke aage badh jaye.

Ab 2 option show honge upgrade to partner aur watch video, upgrade to partner par click kare. Next pop-up page open hoga jisme terms and conditions ka page open ho jayega use aapko Accept button par click kar dena hai.

Ab aapke samne Create Channel form bankar aa jayega jise aap carefully fill karenge

Banner & Logo : Youtube ki tarah yahan bhi aapko Banner lagana padega jiska resolution minimum 1920×1080 hona chahiye aur channel ka logo minimum resolution 160×160 hona chahiye.

Dailymotion - Partner Program

Channel Name: Jis naam ka aap channel banana chah rahe hai wo naam yaha fill kare, for exp: Shubh World

Tagline: Yahan par short line me apne channel ke bare me bata sakte hai ya koi Slogan likh sakte hai ya aapka channel kis base par hai, aap yahan kis type ke video daal rhe hai. for exp: technical, comedy, news, vlog, etc likh sakte hai.

Description: Description me apne channel ke bare me aur apne bare me detail se likhe. Aap yah channel kyu bana rahe hai aur aapke channel me aane par Visitor ko kya milega ye sabhi jaruri words likhe. Isse aapke channel ki valuable ka pata chalta hai.

Channel URL: Yah part sabse jyada important hota hai. Yahan par aap apne channel ka naam wo dale jis name se aapne channel banaya hai isse URL padhne me aasani hoti hai.

Note: Aap ise dobara change nhi kar sakte. Ek baar aapne naam daal ke save kar diya to dobara change nhi kar sakte hai. Isliye koshish yahi kare ki apne channel ka naam hi likhe bina kisi space ke, aap screenshot me dekh sakte hai.

Website URL: Agar aapke pas website to yaha apni website ka URL daal sakte hai aur ye bahut faydemand bhi hai aap apni website me Videos ko embed karke bhi paise kama sakte hai.

Agar aapne apni website nahi bnayi hai to aap free me website bana sakte hai. aap hamari ye post padh kar free me website bana sakte hai.

Language: Apni language select kare

Country: Yaha par country select kare jaise ki aap India me rahte hai to India aur agar other country se hai to us country ka naam select kare.

Facebook URL: Social sites ke link add karna bahut jaruri hote hai isse aapke channel ko Bosting milti hai isliye facebook ka URL jarur add kare

Facebook ke alawa Twitter, Instagram, Pinterest jaise social sites ke option hai aap isme apne social sites account ke URL daal sakte hai.

Ab final aapko save button par click kar dena hai.

Dailymotion ke partner program ko aapne join kar liya hai aur monetization bhi enable bhi ho gaya hai.

Channel ke dashboard me Earnings option hoga. Bas aapko ab video upload karna hai same youtube ki tarah aur aapki earning hona start ho jayegi.

Dailymotion me kis type ke video upload kar sakte hai?

Dailymotion me aap Videos ko upload karke paise kama sakte hai magar kuch instructions bhi hai jinhe janna aapke liye bahut jaruri hai.

Video Upload Policy

  • Per day aap 10 video hi upload kar sakte hai.
  • Per day Video ki limit 2 hours hi hai. Matlab maan lijiye aapke pas 5 video hai 30 minute ke, to aap 24 hours ke andar 4 video hi upload kar payenge.
  • Aapke kisi bhi 1 Video ki length 60 minute se upar nhi honi chahiye. Yadi aapka ek video 60 minute se upar hua to aapka video suspend kar diya jayega.
  • Dailymotion me ek best advantage yah hai ki yadi aap ek youtuber hai to aap youtube ke video bhi dailymotion par upload kar sakte hai isme koi copyright nhi aayega.

Dailymotion me aap technical, comedy, songs, whatsapp type status, vlog, good recipe type video etc anek prakar ke video upload kar sakte hai.

Dailymotion me Kis type ke video upload nahi kar sakte

Youtube ki tarah inke bhi kuch terms and condition hai jo ki jaruri bhi hai. Inki bhi prohibited content policy hai jinhe follow karna jaruri hai.

  • Sextully content type video not allowed
  • Dangerous, harmful, type video matlab road accident, kisi ka suicide type video, hate speech, fake content type ke video upload nahi kar sakte.
  • Copyright video dalne se jarur bache.

Adhik jankari ke liye aap inki Content Policy ko padh sakte hai.

Dailymotion me koi Scope hai??

Jaisa ki aap sabhi jante hai ki Youtube me is time croro ki sankhya me channel bane hue hai aur competition bahut bahut jyada hai.

Aise me jab bhi koi new person youtube me naya channel create karta hai to use success nhi milti hai aur iska reason hai tough competition.

Youtube me is time 100 me kewal 2 ya 4 hi log aise hote hai jinhe by luck ranking mil jati hai. Aur jo achcha content dalte hai unhe ek views bhi nhi milta.

To aise me youtube ke alternative type ka sahara lena jyada badhiya hai. Halanki ye baat bhi sach hai ki dailymotion me visitor kam aate hai YouTube ke mukable. Lekin dailymotion me aap bina kisi eligiblty ke monetization on kar sakte hai.

Ek baat remind kara du ki Youtube me bhi pahle turant monetization on ho jata tha but Jio ke aa jane se achanak youtube me user badh gaye aur aaj aap youtube ko dekh hi sakte hai ki isme kitna jyada competition hai.

Thik isi tarah dailymotion bhi hai aaj bhale hi isme visitor kam hai lekin mai sure hu ki aane wale time me yahan bhi bahut sare visitor honge. Kyunki bahut log dailymotion me apna channel bana rhe hai aur paisa kama rahe hai.

Final Word

Is post ka pura saransh yahi nikalta hai ki aapko dailymotion me apna channel banana chahiye kyuki abhi aap video dalkar turant monetize karke paise kama sakte hai aur website me video embed karke bhi paise kama sakte hai.

Abhi ye mauka mil raha hai to ise jarur bhuna le werna kya pata ki aage chalkar isme bhi aapko youtube ki tarah pareshaniyon ka samna karna pade aur requirement ko pura karna pade.

To uthaiye apna mobile or laptop aur shuru ho jaye.

I hope aapko Dailymotion kya hai? Dailymotion se paise kamane ki puri jankari hindi me jarur pasand aayi hogi. Yadi aapko pasand aayi hai to ise share karna na bhule aur agar kahi koi problem hai to comment karke puch sakte hai.

4 COMMENTS

  1. Q: 1- kya yahan bhi you tube ki tarah ads dekhne ko milta hai.
    Q: 2- agar yahan ads par click karne ke paise milte hai to uski cpc kitni hoti hai.
    Q: 3- isse kamaye gaye paise kaise milenge.
    Q: 4-mai ek you tuber hun to kya mai apne you tube ke video dailymotion.com par upload karke kamai kar sakta hu.
    Q: 5-isse per month average kitne tak ki kamai ho jayegi.

    Sir plz reply
    plz reply and
    plz reply
    Ye sawal mujhe kat raha hai

    • 1. Yes, Ads ke through hi income milegi
      2. It’s Depend on your topic, Youtube ke mukable jyada CPC milta hai
      3. Jaise Adsense me milte hai same yaha bhi hai, aapke bank me transfer honge.
      4. Yes, aap policy read kar sakte hai.
      5. Jitne jyada Views utni jyada income.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.