Https Mixed Content Error Ko Fix Kaise Kare?

Agar aap ye post padh rahe hai to iska matlab hai ki aap bhi https mixed content error ko fix karne ka solution dhund rahe hai aur iska right solution nhi mil raha hai. lagbhag 70% blogger wo honge jo blogspot se related honge kyunki ye problem jyadatar Blogger Plateform par hi hoti hai. Mixed content error kya hai? content error ko fix kaise karna ye sare sawal ke jawab isi post me milenge.

In this post, mai aapko Https mixed content error ko fix karne ka sahi solution bataunga, so dhayn se post ko pura padhe aur steps ko follow kare.

Mixed content error ko fix kaise kare

Jaisa ki aap jante hi hai ki Blogger Google ki hi free service hai jispar hum free me blogging kar sakte hai. Blogger me hume Google kewal Blogspot.com par hi https ki service deta tha lekin custom domain lene par Google SSL certificate yani https ki service ko band kar deta tha.

Lekin 2019 me Https available ka option enable hone ke baad SSL Certificate (Https) laga sakte hai. Aur Apne blog ko secure kar sakte hai.

Https Mixed Content Error kya hota hai?

Jaisa ki aap jante hai ki jab koi website open hoti hai to us website ke URL ke pahle https:// laga hua hota hai aur wo green color me show hota hai. But jinki website me not secure connection show hota hai unhe mixed content error ki problem hoti hai.

Ye bhi Padhe :

Mixed content error aane ke reason kya hai?

Basically iska reason ek hi hota hai jab aap Custom Domain ko purchase karte hai tab Domain ko blogger me redirect karna hota hai aur https ko bhi enable karna hota hai. Enable karte hai aapki theme me jo coding hoti hai wo Http and Https me merge nahi ho pati hai. jisse aapki website me coding damage ho jati hai.

Note: Firefox me Green color show hota hai, Google Chrome me green color show nahi hota hai jab aap chrome me apni website par URL ke pahle Lock button par Tab karte hai to usme connetion is secure hota hai. Aap kabhi kabhi bhi confused na ho ki meri site me Green color show nahi ho raha hai

Ye coding kewal theme me hi nahi aapke post, Image, Links, style sheets, videos, in sabhi me ho sakti hai. Inhe aapko khud hi dhundna hota hai aur sahi karna hota hai.

Agar aapne inhe aapne thik nahi kiya to ye aapki website ke liye bahut harmful sabit hogi. Apki rank down hoti jayegi traffic bhi down hoga etc.

Https Mixed Content Error Ko Kaise Dhunde?

Apni website full secure karna hai to aapko har ek content ke error ka pata lagana hoga. Mixed Content error ka pata lagana bahut aasan hai. mai aapko step by step batane ja raha hu.

Steps:

  1. Chrome ya Firefox browser me jaye
  2. Mouse ke Right side ko click kare
  3. Inspection naam ka option aa raha hoga use click kare ya phir Ctrl+Shift+I press kare
  4. Ab aapko kuch is tarah ka interface najar aa raha hoga

isme red color font jo show ho rahe hai wo hi mixed content error hai. Agar aapke content me koi bhi error show nahi ho rahe hai to aapko chinta karne ki jarurat nahi hai.

Blogspot blog me Mixed Content Error Ko Fix Kaise Kare

Blogger me mixed content error ko fix kiya ja sakta hai aapko kisi bhi developer ki help nahi leni padegi, bas aap bataye gye steps ko dhyan se read kare.

Steps:

  • Blogger ke Dashboard me jaye
  • Theme option par click kare
  • Edit HTML par click kare

Ab aapko yaha editing karni hongi, yaha par http:// ki jagah https:// me replace karna hoga.

http:// ki jagah https:// me replace karne ke 2 method hai.

1. Edit html me Ctrl+F press kare, ek type box open ho jayega, usi type box me aapko http:// search karna hai

mixed content error fix in edit html
  • Screenshot me dekhiye top se right side me search box hai usi me aapko http:// type karke enter karna hai aapko highlight yellow color me jaha jaha http:// hoga, show hone lagega.
  • Aapko bs http ki jagah https karna hai. aise hi baar baar search karke aapko https me change karna hoga.

Alert Note: Editing karne se pahle Theme ka Backup jarur le le, taki koi gadbadi bhi ho jaye to aap use recover kar sako.

Ye bhi Padhe

Note: Theme me aapko 20 se 30 ya 50 tak http ho sakte hai jinhe aapko replace karna hota hai. Lekin kuch aise bhi coding hoti hai jinhe aap chah kar bhi change nahi kar sakte hai aur na hi use change karna chahiye so be careful. wo coding kaun si hai wo mai last me bataunga.

2. Is method ko mai sabse best manta hu. Aapko Edit Html me di hui coding ko Ctrl+A dabakar all Select kar le aur use Copy (Ctrl+C) dabakar kar le.

Ab apne PC me Notepad++ install kar le. Waise to ye default har ek system me install hota hai. Agar aapme only Notepad install hai to link par click karke install kar le. Kyuki Notepad++ me coding achche se ho jati hai.

Install kar lene ke baad Notepad++ ko open kare aur usme Theme ki copy ki hui coding ko (Ctrl+V) dabakar paste kar de.

Ab aapko Ctrl+F press karna hai. Ek new pop-up open hoga jisme aapko top par Find, Replace etc. option milenge, aapko Replace ke option par click karna hai.

Aapko phir 2 option dikhenge Find What and Replace with, Find what me type kare http:// aur Replace with me type kare https://

Itna kar lene ke baad Replace All ke button par click kar de. Jaise hi replace all par click karenge theme ki sari http coding https me replace ho jayegi. Isse aapka bahut sara time to bachega hi sath hi sath coding me gadbadi hone ke chance bhi bahut kam rahenge.

Sari coding ko select karke copy kar le aur wapas Blogger ke dashboard me jaye, theme ke edit html option par click kare aur sari coding ko select karke delete kar de.

Phir jo code aapne copy kiya tha wo isi jagah par paste kar de. Jab aap paste kar lenge uske baad theme ko save button par click karke save kar le.

Ab Yaha se ek problem aayegi, kyuki jab aap back button par press karoge theme save nhi hogi. Jinlogo ne ye process pahle se kiya hua hai unke man me yahi qus aata hai ki Theme ko save karne ke baad jab back button par click karte hai to ek message aata hai Changes you made may not be saved. right?

Changes made not be saved Theme not saved

Blogger me jo theme aap use karte hai wo http and https ke sath mix karke hi coding ready ki jati hai. SSL certificate lene ke baad https karna jaruri hai lekin kuch coding aisi bhi hai jinhe aap change nhi kar sakte.

Kuch Codes mai yaha batane ja rha hu jinhe change nahi karna chahiye

  • xmlns:b=’http://www.google.com/2005/gml/b
  • xmlns=’http://www.w3.org/1999/xhtml
  • xmlns:data=’http://www.google.com/2005/gml/data
  • xmlns:expr=’http://www.google.com/2005/gml/expr’
  • xmlns:fb=’http://www.facebook.com/2008/fbml
  • xmlns:og=’http://ogp.me/ns#’>

Ye jitne bhi code hai inhe https change karne par bhi change nahi hoga aur inhi ko change karne ki wajah se theme save nahi hoti hai.

Mai jo ab batane ja raha hu use dhayn se read kariye jab bhi aap theme me edit karke save button par click karte hai aur Changes you made may not be saved message show hota hai tab aapko Ok ke button par click kar dena hai.

Isme darne wali baat nahi hai kyuki aapki coding save ho jati hai siwaye un code ko chhorke ke jo maine upar bataye hai.

Agar aap edit html me Ctrl+F dabakar http: search karenge to jo upar code diye hue hai unko chhorkar baki niche scroll karenge, to baki sabhi me http ki jagah https automatic include ho jata hai.

Layout me Https mixed content error ko kaise fix kare

Yaha tak kaam to khatam karne ke baad ab aapko Layout ko dekhna hai. Kyuki inme aapko apne links, widget, Ads, sab check karna hota hai jaise ki Fb, Youtube ya other links.

Isme bhi jaise Main menu widget me default http hota hai jise https me change karne ke baad bhi https me save nahi hota hai. because wo default link hota hai isiliye wo change nahi hota hai. Ab aap me se kuch log ye baat ko Agree nahi kar rahe honge. to mai aapko ek example deta hu jisse aapke doubts clear ho jayenge.

Agar aap ek blogger hai to apne blog me jarur News letter ya subscribe ka widget jarur add kiya hoga jisse RSS burner feed account bhi bolte hai.

Jab aapne feed burner par account bnaya tha tab jo hamri ID ka URL milta hai usme aapne http ko gaur se dekha hai? Usme http laga hua hota hai https nahi hota hai.

Because wo by default hota hai aur agar aap change bhi karoge to bhi wah change nahi hoga. so mera samjhane ka ek hi matlab hai ki aap preshan na hoyiyega.

Ummid karta hu ki aap ab samjh gaye honge.

Post me https ko fix karna

Layout ko check kar lene ke baad aapko ab sari post me check karna hai kyuki post me bhi http ko replace karna hota hai aur ye aasani se save ho jate hai

  • Publish ki hui post ko edit option par click karna hai.
  • Jaha post likhte hai uske thik bagal me HTML ke section par click karna hai
  • Aur phir Ctrl+F se search karke jaha jaha http hai use https me replace kar de
  • phir post ko save karke publish kar de.

Ab Content error ka process puri tarah se fix ho chuka hai. Ab ek baar ID ko log out kare Cache data ko clear kare aur again apni ID ko login kare, aapka process ab complete ho chuka hai.

Agar abhi bhi koi probelm aa rahi hai to comment section me puch sakte hai. Ummid karta hu ki aapko post pasand aayi hogi. Hamare blog ko share karna na bhule

Khush rahe

Khush rakhe

Hello Dosto, Mera Naam Subham Sahu hai, Shubh World blog me aapko inetrnet, Youtube, seo, Android tips & Tricks, make money online, jara hatke news se judi unique content milenge. aasha karta hun ki aap is blog family me judenge aur ek nayi community banayenge.

Leave a Comment

This site uses Akismet to reduce spam. Learn how your comment data is processed.

Share via
Copy link