3 Important New Blogger Blog setting Kaise Kare

New Blogger blog par free website banane ke baad blogger ko apni pahli post likhne se pahle apne blog me 3 important setting kar leni chahiye jisse google me aapka blog jaldi se rank kar sake.

New blogger blog setting karne se pahle post ko likh kar publish karne lagte hai yahi par wah sabse badi galti kar baithte hai.

Har ek new blogger chahta hai ki uski likhi hui post jaldi se jaldi Google me rank ho, lekin google me post ko rank karane ke liye aapko apne blog me best 3 important blog setting karni padegi.

Best 3 important New Blogger Blog setting

So agar aapne blog create kar liya hai to post ko likhne se pahle blog ki 3 important setting kar le taki aapki post jaldi se jaldi search engine me rank ho sake.

Best 3 Important New Blogger Blog Setting – Step by Step

1. Basic Setting

Sabse pahle apne Blogger.com ke dashboard me Setting ke option par jaye, aur Basic setting option par click kare.

best 3 Important New Blogger blog setting
Basic Setting

Title: Jaise ki naam se hi pata chal raha hai ki Title me aapko apne blog ka Title Name likhna hai.

Description: Description likhne ka bhi style alag hota hai, aapka blog kis topic par bana hai yah baat description box me short me likhni hoti hai.

Description likhte waqt keywords ka use jarur kare screenshot me dekh sakte hai ki maine kis tarah description likha hua hai.

Privacy: Ise same aise hi rahne de.

Blog Address: Ye aapke Blog ka URL hota hai ise aise hi rahne de, agar aapne custom domain purchase kiya hua hai to edit me jakar change kar sakte hai.

HTTPS: Yah aapke blog ki security ke liye hota hai jise hum SSL (Secure Socket Layer) bhi kahte hai. Agar aapki site me No par click hai to ise Yes kar de.

Blog Authors: Isme aapka naam show hoga kyuki ye blog aapne banaya hai agar aap kisi other person ko admin banana chahte hai to add author par click karke bana sakte hai.

Blog Reader: Ise Public par hi rahne de private karne par aapka hi loss hoga kyuki aapki post kisi ko bhi nahi show hogi. Kewal unko hi show hogi jinhe aapne khud select karke rakha hua ho.

2. Language and Sharing

Blogger Blog Important setting - Language and formatting
Language and Formatting

Language: English (United States) select rahne de.

Enable Transliteration: Upar Image me diye gaye step ke anusar follow kare.

Time Zone: Yaha apne India ka standard time zone select kare jaisa screenshot me diya gaya hai. Agar aap other country se belong karte hai to apne country ka time zone select kare.

Timestamp format: Apne blog me timing ko kis format me dikhana chahte hai wah select kare.

Comment Timestamp Format: Comment section me kis format me time ko show karana hai wo select kar de.

3. Search Preference (Most Important)

New Blogger blog post important setting - search preference

Meta Tags: Blog ke liye Meta tags most important part hota hai, isme 150 words ke andar apne blog ke bare me chhota sa description likhna hai aur adhik se adhik keyword ka use karna hai. Screenshot me aap dekh sakte hai.

Custom Page not found: Agar aapke blog se koi post delete ho gayi hai aur aap chahte hai ki delete hui post ko koi open kare to 404 error ho to aap 404 error show ka code yaha daal sakte hai.

Custom Redirect: Kabhi kabhi hum apne blog ke post ka URL change kar dete hai jisse hamari post ka SEO kharab ho jata hai, SEO loss na ho isliye custom redirect option ko use kiya jata hai. ise aisa hi blank chhor de.

Google Search Console: Blog ko bana lene ke baad most important part hota hai apne blog ko Google Search Console me add karna, taki aapka blog google me show ho sake.

Yadi aapko Google search console me Blog add karna nahi aata hai to is post ko Google Search console me apne blog ko kaise add kare? padhkar aasani se blog ko add kar sakte hai.

Custom robots.txt: New blogger ko robots.txt ke bare me jyada knowledge nahi hoti jabki ye important part hota hai, but agar aap new hai to mai recommend karunga ki aap ise Disable hi rahne de, enable na kare, jab aapko iski achchi se jankari ho jaye tab hi use kare.

Custom robots header tags: Isme aapko ye batana hota hai ki aap google se kya hide karna chahte hai aur kya show karna chahte hai. Abhi ise disabled hi rahne de, jab aapko iski knowledge ho jaye tab ise use kar sakte hai.

Screenshot me maine enable kiya hua hai but aap disabled hi rahne de, iske bare me jab mai Advanced SEO post karunga tab bataunga.

New blogger blog setting kar lene ke baad ab save button par click kar de. aapka blog ab ready ho gaya hai post publish karne ke liye.

Kuch additional point niche bata raha hu jo ki aapke blog ke important hai.

Blogger blog ke liye Best Theme

Blog ki badhiya design ke liye aapke pas theme ka SEO, Responsive, Mobile friendly hone ke sath sath theme ka fast hona bhi jaruri hai.

Blogger me jo default theme hoti hai wo itni responsive aur user friendly nahi hoti hai isliye aapko apne blog ke liye best theme choose karna bahut jaruri hai.

Aap hamari yah Post Blog ke liye best theme jarur padhe isse aap aasani se blog ke liye free theme download mar sakte hai.

Sitemap search console me add karna

Google ko jab tak yah nahi pata chalega ki aapke blog ya website ke andar kya hai, kaun si post hai kis bare me hai etc, tab tak aapki post kaise sabke pas pahunchegi.

Isliye google ke pas aapke blog ki post list submit karna jaruri ho jata hai, jise Sitemap kaha jata hai. Jab tak aap google me Sitemap add nahi karenge google aapki post ko kabhi rank nhi karayega.

Sitemap ko kaise add kiya jata hai yah aap ye post Blog aur website ke liye Sitemap kaise banaye aur Submit kare? ko padhkar jaan sakte hai.

Final Word

Blogger me apni pahli post ko publish karne se pahle ye important setting jarur kar le, uske baad hi post ko publish kare. Waise to aur bhi setting hai lekin use baad me bhi kiya ja sakta hai.

Abhi ke liye blog me jitni important setting karni thi use maine achche se samjhane ki koshish ki hai aur mai aasha karta hu ki aapko achche se samjh me aa gaya hoga.

Note: Ek baat ka vishesh dhayan rakhe google me apni post ko search list me lane ke liye ek badhiya content likhna padta hai aap chahe jitni achchi setting kar le but jab tak aap content achcha ni likhoge tab tak results achche nhi milenge.

Isi ke sath hum milte hai agli post me, I hope aapko New Blogger blog par post likhne se pahle important setting kaise kare pasand aayi hogi, agar koi pareshani hai to comment section me puch sakte hai.

Aur han aap hamare post ko share karna bhule.

Hello Dosto, Mera Naam Subham Sahu hai, Shubh World blog me aapko inetrnet, Youtube, seo, Android tips & Tricks, make money online, jara hatke news se judi unique content milenge. aasha karta hun ki aap is blog family me judenge aur ek nayi community banayenge.

Leave a Comment

This site uses Akismet to reduce spam. Learn how your comment data is processed.

Share via
Copy link